کۆبوونەوەیەکی بەرین بۆ سێ شارەزای کاروباری کوردی ئێران لە ئەنستیتۆی رۆژهەڵاتی ناوەڕاست لە واشنگتۆن دەگیرێ11-03-2010
 مێدیانیوز - لە زنجیرە لێکۆلینەوەکانی لە سەر ناوچەی رۆژهەڵاتی ناوەڕاست، "پەیمانگای رۆژهەڵاتی ناوەڕاست" میوانداری سێ شارەزای کاروباری کورد لە ئێران بۆ باس لە سەر رابردوو و ئیستا و داهاتووی کورد لە ئێران دەکات کە بریتین لە کارۆڵ پرونهابێر، شەریف بێهروز و ئیدریس ئەحمەدی.
بڵاوکراوی فەڕمی ئەم پەیمانگایە چوارچێوەی باسی ئەم کۆبوونەوەی بەم شێوەیە باس کرد"پرونهابێر لە سەر کەسایەتی رێبەری کوردی ئێران دکتور قاسملوو قسە دەکات کە تێرۆرە ناوەختەکەی بە دەستی رژێمی ئێران ٢٠ ساڵ لەمەو پێش نەتەوەی کوردی لە یەکێک لە بەلیمەترین و بیرمەندترین رێبەرەکانی بێبەش کرد. کتێبی تازە بڵاکراوی ناوبراو "مەرگ و خوڵیای رەحمانی کورد: ئارەزووی کوردستان" باس لە ژیان و خەباتی سیاسی قاسملوو لە پانتایەکی بەرینتری سیاسی ئێران دا دەکات."
کارۆڵ پرونهابێر هەوەڵ کتێبی بە ئینگلیزی لە سەر ژیان و مەرگی یەکێک لە بەناوبانگترین رێبەرانی بزوتنەوەی نەتەوەخوازی کورد ئێران و رێبەری حیزبی دێموکراتی کوردستانی ئێران نووسیوە.
هەر بە پێ هەمان بڵاوکراوەی پەیمانگاە، شەریف بێهروز، نوێنەری حیزبی دێموکراتی کوردستانی ئێران لە ئەمریکا "باس لە گرێدراوی بزوتنەوەی سەوز بە کەمایەتییە نەتەوەییەکان وەک کورد دەکات و باس لە ئوپوزسیونی هەمەلایەنە و هەمەرەنگ دەکات کە تەنیا رێگای دروستکردنی ئوپوزسیونێکی جیدی بە دژی رژێمە."
ئیدریس ئەحمەدی، کاندیدی دکتوڕا و لێکۆلەری سیاسی لە زانکۆی جۆرجتاونی واشنگتۆن باس لە روانگە جیاوازەکانی داهاتووی ئێران بە نیسبەت فرەنەتەوەیی دەکات کە گەلۆ بوونی جیاوازی تەواویەتی ئێران دەخاتە ژێر مەترسییەوە یان هەوێنی سەرهەڵدانی دێموکراسێکی پرناوەڕۆکە؟
ئەم کۆبوونەوەیە لە ١٦ی مانگی مارسی ٢٠١٠ لە کاتژمێر ١٢ نیوەڕۆ تا ١:٣٠ پاشنیوەرۆ لە بنای "ئەنستیتۆی رۆژهەڵاتی ناوەڕاست" لە واشنگتۆن، پێتەختی ویلایەتە یەکگرتوووەکانی ئەمریکا بەڕیوە دەچێت.
جێگای ئاماژەیە بۆ ئەو کەسانەی خوازیاری بەشدارین دەبێ پێشتر نێوی نووسی بکەن و کۆبوونەوەکە گشتی بە زمانی ئینگلیزی دەبێت.
ڕێژه ی دیتن : 368
|
|
|
|
|
 |
بینێره بۆ هاورێکهت
|
| بیژەن
دەستی ئەم دیپڵۆماتکارانە خۆش بێ، ئەمانە داهاتووی نەتەوەکەمانن.
بیژەن - ئاڵمان
[2010-03-11 15:52:00]
|
|
|
|
|
|
